البراويز ..
مين معندوش برواز في بيته ؟!
بس في حاجة مشتركة في البراويز كلها .. إن الي متصور سواء بيضحك أو مكشر .. تحسو معندوش أي هموم .. صعب قوي تعرف إحساس المتصور دا من صورتو المحطوط في البرواز ..!!
وش جامد خالي من أي مشاعر ..
الصور ..
الصور دي أحلى حاجة في الدنيا .. من تجربتي مع البرواز .. قررت إني مقولش لحد قبل ما أصوروا .. بحب أخد كل الصور فجأة .. عشان كدا عندي صور للناس كلها الي بحبها في أوضاع مختلفة .. وضع السرحان .. وضح البكاء .. وضع التركيز .. وضع الهبل .. وضع الجنان .. وضع الضحك من القلب ..
بس الموضوع دا عملي مشكلة .. إني دايما حسا بالكاميرا .. محدش عارف ياخدلي صورة و أنا مش واخدة بالي ..
أعتقد لو حد خدلي الصورة دي .. يومي هيحلوَ
اه اه
ردحذفهما معظم الاحيان
يا بيطلعوا فى الصوره ولا اعتى المشاهير والصوره بتبقى احلى منصوره جيفارا شخصيا
او بيطلع العته المنغولى كله على وشهم
انا عاوز اخدلى صوره واحد وانا مش واخد بالى
واصورلى فيديو وانا بعزف من غير ما اخد بالى عشانمغلطش
بس مش عارف ازاى ودى مشكله برضك
صباح الير على سادس بكره وعليكى وعليا
أخالفك في أن بعض الصور قد تنقل شعورا قويا :)
ردحذفأستاذ عمار .. أكيد في صور بتنقل أحاسيس جميلة زي صورنا الي بنتصورها و احنا صغيرين .. او و احنا قعدين جنب الناس الي بنحبهم .. بس أحيانا بنبقا مضيقين .. و بنضحك عشان الصورة تضحك حلوة
ردحذفthe illusionist : صبااح الفل .. لما تعمل الحاجات دي ابقا قولي
ردحذف