كل يوم الصبح بنصحى .. بنغسل وشنا .. بنفرش أسنانا .. بنتوضا .. بنصلي .. بنفطر أو منفطرش عادي .. هيا جت عالفطار ؟! إحنا ممكن نصحى منعملش أي حاجة من دول و ننزل على طول .. بنروح شغلنا .. كليتنا .. مدرستنا .. نفس الحاجة بتتعمل بنفس الملل .. بنروح البيت .. ناكل .. ننام .. نصحى نعمل أي حاجة في الدنيا و ننام تاني و تتكرر الأحداث بنفس الترتيب كل يوم .. إيه الجديد طيب ؟! إيه الملل دا !! عشان كدا بأمارة إيه يعني إن الدنيا أحلى .. دي لو كنا معتبرنها حلوة هتفضل حلوة بنفس الطريقة بتاعتها مش هتحلو ولا حاجة ؟!!!
كل يوم بصحى بحلم إن ربنا كتبلي حاجة حلوة هتحصل و أنزل والضحكة من هنا لهنا .. لدرجة إن الناس بتبقا قرفانة تقوم بصالي و لسان حالها يقول إيه المجنونة دي ؟!
و أنا راجعة بقول في نفسي قريتوا يا حبايبي !! أهه الحاجة الحلوة الجديدة الي هتحلي حياتي محصلتش انهاردة .. و يتكرر الحدث كل يوم .. و أديني لسه مستنية بكرة الأحلى دا !! حد مستني يا جماعة و لا أنا مجنونة فعلا !!
أنا خايفة يجى بكرة وأكون مش موجودة...>ـ<
ردحذفisa hatkony mawgoda w tsahmy f tgmel bokra bta3ek :D
ردحذف